Украинскиот претседател ја отфрли оставката на премиерот

Украинскиот претседател Володимир Зеленски ја отфрли оставката поднесена од премиерот Олексиј Гончарук и рече дека сака да му даде втора шанса за таа функција.

„Решив да ви дадам втора шанса на вас и на вашата влада“, рече Зеленски на средбата со премиерот Гончарук, покажува видеоснимката објавена од претседателството.

Гончарук поднесе писмо за оставка откако беше обелоденето аудио како го критикува претседателот Зеленски во првата политичка криза на младиот претседател.

Според социјалните мрежи и медиуми, Гончарук знаењето на претседателот за економијата го опишал како примитивно. Зеленски до изборите за претседател во април беше актер.

Претседателот не ги спомена тие изјави, но го замоли премиерот да ја подобри соработката со парламентот и да ги рационализира платите на високите владини функционери.

Исплатите на високи бонуси на службени лица последниве месеци предизвикаа скандал во земјата.

„Такви плати не можат да бидат исплатени во Украина во сегашната состојба на нашата економија“, рече Зеленски.

Украина е една од најсиромашните земји во Европа.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе