Украина тврди дека по неколку дена ќе се случи државен удар, Русија веднаш реагираше

Украина откри планови за обид за државен удар, кажа денеска претседателот Володимир Зеленски, додека Русија порача дека немала намера да учествува во наводниот обид за преврат, ниту воопшто да презема такви чекори.

Фото: ЕПА

Зеленски за обидот за државен удар, до кој требало да дојде следната недела, зборуваше на денешната прес-конференција, каде што исто така ја спомена руската закана со воена ескалација. 

„Се соочуваме со предизвиците не само од Руската Федерација и можната ескалација, туку имаме и големи внатрешни предизвици. Имам добиено информации дека во нашата земја на 1 и 2 декември ќе се изведе државен удар“, рече Зеленски.

Тој не даде подетални информации за наводниот државен удар и не ја обвини отворено Русија дека е вмешана, но спомена звучен запис за превратот, на кој наводно може да се чујат луѓе од Русија.

Русија трупа воени сили близу својата граница со Украина, која заедно со Соединетите Американски Држави и со НАТО изрази загриженост поради можен руски напад.   Кремљ ја отфрли оваа можност, додавајќи дека непотребно се предизвикува паника. 

Москва и Киев меѓусебно се обвинуваат поради кревање на напнатоста во минатите недели, со што предизвикуваат страв дека долготрајниот судир меѓу Украина и руските сепаратисти, кои ги поддржува Русија, би можел да прерасне во отворена војна.  

„Целосно ги контролираме сопствените граници и потполно сме спремни за каква било ескалација“, рече Зеленски.

Легенда под Главна слика

Фото: ЕПА

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе