Украина: Русите ја зазедоа втората најголема украинска електрана, испраќаат големо засилување

Олексиј Арестович, советник на украинскиот претседател Зеленски, потврди дека руските сили ја освоиле втората најголема електрана во Украина. Покрај тоа, тој рече дека Русите испраќаат „големо засилување" во три јужни региони за да се спротивстават на украинската контраофанзива.

Фото: ЕПА

Русите вчера објавија дека ја зазеле електраната Вухлехирск. Се работи за првиот поголем успех на руските сили во повеќе од три недели. Арестовиќ потврди дека електраната Вулехирск паднала во руски раце, велејќи дека се работи за „мала тактичка предност“ за руската страна, пренесе Ројтерс.

Тој исто така рече дека Русите испраќаат „големо засилување“ на југ за да се одбранат од украинската контраофанзива. Русите испраќаат војници во Мелитопол, Запорожје и Херсон, додаде тој.

Украина јасно стави до знаење дека има намера да го ослободи целиот Херсонски регион, кој беше освоен од Русите на почетокот на војната. Олексиј Данилов, генералниот секретар на Советот за одбрана и национална безбедност на Украина, рече дека Русија испраќа „максимален број војници“ во насока на Херсон.

Арестович исто така рече дека операцијата на Украина за ослободување на Херсон веќе започнала по вчерашниот удар на мостот Антонивиск, кој се наоѓа на клучна руска рута за набавки кон Херсон.

„Правиме сè за да осигуриме дека окупаторите веќе немаат никакви логистички рути во нашата земја“, рече украинскиот претседател Зеленски во синоќешното обраќање.

Легенда под Главна слика

Фото: ЕПА

Како да ги зачуваме националните и креативни наследства со помош на вештачката интелигенција?

повеќе

Ќутејќи - банализирамо. Банализирајќи - нормализирамо. Нормализирајќи - дозвољуемо пред очи да ни се повампируа фашизмот и нацизмот.

повеќе

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе