Украина: Русите го нападнаа Чернобил. Зеленски: Ова е објава на војна на цела Европа

Украинскиот претседател Володимир Зеленски објави дека руските сили ја напаѓаат областа на Чернобил.

Илустрација: ЕПА

„Руските окупаторски сили се обидуваат да ја освојат нуклеарната централа во Чернобил. Нашите бранители ги даваат своите животи за да не се повтори трагедијата од 1986 година. Му пријавив на шведскиот премиер. Ова е објава на војна на цела Европа“, напиша Зеленски на Твитер.

За Чернобил на Твитер се огласи и украинското Министерство за надворешни работи.

„Во 1986 година светот ја виде најголемата технолошка катастрофа во Чернобил. Нападот на Русија врз Украина може да предизвика нова еколошка катастрофа со оглед дека руските сили напредуваат кон Чернобил. Ако Русија продолжи со војната, Чернобил може да се повтори во 2022 година“, објави украинското Министерство за надворешни работи.

Во борбите можеби е оштетено складиште на нуклеарен отпад, изјави советник на украинскиот министер за внатрешни работи, пренесе дописник на американската Ен-би-си, Ричард Енгел.

АФП ја пренесе изјавата на украински функционер дека борби се водат во близина на нуклеарната централа во Чернобил.

Во 1986 година во Чернобил експлодираше нуклеарен реактор. Тој инцидент се смета за најголемата нуклеарна катастрофа во историјата.

Легенда под Главна слика

Илустрација: ЕПА

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе