Убиени двајца украински војници на исток: Зеленски вети остар одговор

Украинскиот претседател Володимир Зеленски вети остар одговор по убиството на двајца украински војници во источниот дел на Украина.

Новите судири со сепаратистите поддржани од Русија во источниот дел на земјата ги однесоа животите на уште двајца војници, со што бројот на убиени украински војници оваа недела се искачи на шест, поради тоа претседателот Володимир Зеленски побара од Москва да ги „заузда“ сепаратистите.

Двајцата војници се убиени во артилериско гранатирање синоќа во близина на селото Новолуганск, околу 50 километри североисточно од Донецк, едно од упориштата на проруските сепаратисти, се вели во соопштението објавено денеска од страна на украинското претседателство.

Зеленски ги обвини руските платеници дека се одговорни и го осуди флагрантното кршење на мировните договори од Минск потпишани во 2015 година.

„Прибегнување кон артилерија е доказ за загуба барем на делумна контрола над платениците. Се надеваме дека руската страна ќе ја поврати контролата над тие единици“, изјави украинскиот претседател во соопштението.

Киев и Запад ја обвинуваат Русија за воена поддршка на руските бунтовници во источна Украина, што Москва го негира.

„Овој оган насочен кон украинските војници е очигледен обид уште еднаш да се поткопа процесот на преговори за примирје. Кој и да ја дал оваа наредба украинските сили ќе одговорат остро во согласност со ситуацијата“, рече Зеленски.

Во средата, неколку часа пред новата рунда мировните преговори во Минск меѓу руски и украински делегати, украинската војска објави дека три украински војници се убиени во последните 24 часа во судири со сепаратистите.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе