Одлука на градските власти

Убиена сексуална работничка ќе добие улица во Брисел

Градските власти на Брисел соопштија дека една улица ќе добие име по убиената сексуална работничка од Нигерија, Енис Осајанде, пренесе Би-би-би.

EPA-EFE

Енис Осајанде на смрт ја избодел муштерија во јуни 2018 година. Таа во потрага по работа и подобра иднина во 2016 година дошла во главниот град на Белгија.

Таа верувала дека мажот кој ја довел е филмски агент и дека ќе ја направи филмска ѕвезда. Всушност, тој бил трговец со луѓе.

Кога пристигнала во Брисел, веднаш била приморана да се бави со проституција. На шверцерите кои ја донеле им должела 45.000 евра.

Таа пред убиството во една хуманитарна организација пријавила дека трпи насилство и закани на работа. Се плашела да оди во полиција бидејќи била нелегален емигрант без документи.

Таа имала само 23 години кога била избодена 17 пати. Нејзината смрт предизвика протести на сексуалните работнички емигрантки. Тие тогаш бараа подобри услови за работа, а од локалните власти подобро правно уредување на нивната позиција.

Проституцијата во Белгија не е нелегална, но нема јасна правна рамка за неа.

Градските власти истакнаа дека со именувањето на нова улица по Енис Осајанде сакаат да го свртат вниманието на сите „заборавени жени кои се жртви на трговијата со луѓе, сексуално насилство и фемицид“.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе