Сирија

Убиен еден турски војник, петмина повредени во борба со курдските милиции

Еден турски војник е убиен, а петмина се ранети во сирискиот регион Рас Ал Аин по ракетен и минофрлачки напад од страна на курдските милиции, објави турското Министерство за одбрана.

Турската армија одговорила на нападот, се додава во соопштението, пренесе Ројтерс.

Турскиот претседател Реџеп Таип Ердоган вчера изјави дека Турција ќе ги протера курдските милиции од североисточна Сирија доколку Русија не ги исполни своите обврски според договорот што помогна да ѝ се стави крај на турската офанзива во регионот.

Според договорот, постигнат од Ердоган и рускиот претседател Владимир Путин, руската воена полиција и сириските гранични сили треба да ги протераат борците на курдската милиција од зоната на 30 километри од границата во текот на шестдневен период, кој завршува во вторник.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе