Уапсена старицата која со такси избега од судењето за злосторства во нацистички логор

Ирмгард Фурнер (96), на која денеска требаше да ѝ се суди за помагање во убиства на затвореници во нацистички концентрационен логор, беше уапсена во Хамбург, откако не се појави на суд.

Фото: Пиксабеј

Откако утрово со такси го напушти домот за стари лица каде живее, полицијата ја уапси за време на патрола во северниот дел на градот.

„Полицијата ја изведе обвинетата пред судија“, соопшти судот во Ицехое, во близина на Хамбург. Сега лекар треба да утврди дали 96-годишната е здравствено способна за притвор.

На Фурнер треба да ѝ се суди пред покраинскиот суд во Ицехое за учество во убиство на 11.000 затвореници во логорот Штутхоф во близина на Гдањск за време на Втората светска војна, каде Фурнер работела како стенографка и дактилографка во канцеларијата на командантот на логорот.

Судијата го одложи почетокот на судењето на 19 октомври бидејќи обвинетата не се појави пред суд.

Фурнер на почетокот на септември во писмо го замолила судијата да ја ослободи од обврската да присуствува на судењето од здравствени причини, што било одбиено.

Меѓународниот комитет Аушвиц денеска изрази револт поради тоа што обвинетата не се појавила на суд.

„Ова покажува неверојатен презир не само кон правната држава, туку и за преживеаните од Холокаустот“, се вели во соопштението на комитетот.

Поради големиот интерес на медиумите судењето треба да се одржи во индустриска сала во предградието на Хамбург.

Легенда под Главна слика

Фото: Пиксабеј

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе