Уапсен напаѓачот што со пушка од покрив уби 6 и рани 36 лица на парада во САД (ВИДЕО)

Полицијата извести дека го уапсила Роберт Е. Кримо, осомничениот за пукањето во кое загинаа шест, а беа ранети повеќе од 36 лица кога со пушка пукаше од покрив во насобраните по повод Денот на независноста на Хајленд Парк, предградие на Чикаго.

Фото: ЕПА

Полицијата го опколила автомобилот и го извадила Кримо со кренати раце, според снимката на чикашкиот разгранок на Еј-би-си њуз. Кримо лежел на земја пред полицијата да го однесе во притвор. Ќе биде покренато обвинение, објави полицијата во Хајленд. Полицијата не го утврдила мотивот на пукањето.

Звучеше како огномет, рече пензионираниот лекар Ричард Кауфман, кој стоел на улицата наспроти местото од кое напаѓачот отворил оган, додавајќи дека слушнал околу 200 истрели. Дошло до метеж, стампедо, луѓето барале засолниште, некои и крвавеле, се сопнувале едни од други.

Повеќе од 36 лица се повредени, претежно со огнено оружје. 26 жртви на возраст од 8 до 85 години биле однесени во болницата во Хајленд Парк, изјавил лекарот за брза помош. Пронајдена е пушка на местото на настанот.

Американскиот претседател Џо Бајден и неговата сопруга Џил се шокирани од нечувствителното оружено насилство, кое повторно донесе тага во американската заедница на Денот на независноста. „Јас ѝ понудив целосна поддршка на федералната влада и ја повикав федералната полиција да помогне во итната потрага по убиецот“, додаде Бајден.

Тој се осврна на реформата на законодавниот дом поврзана со оружјето што неодамна ја потпиша, велејќи дека треба да се направи многу повеќе и додаде дека тој нема да се откаже од борбата против епидемијата на оружено насилство.

Пукањето се случи додека на многу Американци во мислите сè уште им беше масакрот на 24 мај, во кој загинаа 19 деца и двајца наставници во основното училиште во Увалде, Тексас, и нападот на 14 мај, во кој во супермаркет во Бафало во државата Њујорк беа убиени околу 10 лица.

Легенда под Главна слика

Фото: ЕПА

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе