Уапсен е напаѓачот од трамвајот во Холандија (ВИДЕО)

Уапсен е мажот кој денес пукаше во трамвај во холандскиот град Утрехт, потврди холандската полиција, а пренесуваат агенциите.

Нападот се случи околу 10:45 часот, а убиени се три лица. Уште пет луѓе се ранети во пукањето.

Полициската потрага по напаѓачот траеше со часови.

Напаѓачот уште претходно беше идентификуван како 37-годишник со турско потекло Гекман Танис.

Точниот мотив за нападот сѐ уште не е познат.

Холандскиот јавен обвинител кажа дека мотивот за нападот во Утрехт може да се „семејни причини“.

Тоа претходно го јави и турската агенција Анадолија која јави дека Танис пукал во своја роднина од „семејни причини“, а потоа пукал и во другите кои ѝ притрчале на помош.

Полицијата најпрво објави дека се разгледува можниот терористички мотив за нападот, а подоцна беше соопштено дека се истражува и личниот мотив.

Како што јавуваат холандските медиуми, осомничениот има поголемо полициско досие и, меѓу другото, бил осуден и за обид за убиство. Во моментов е обвинет за силување.

Антитерористичката агенција НЦТВ наведе дека сѐ уште не е исклучено во заднината на нападот да стои тероризам.

Највисокото ниво на опасност од терористичка закана во покраината Утрехт беше укината по апсењето на Танис, а претходно беше повлечено и предупредувањето на граѓаните на Утрехт да не излегуваат од дома.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе