Војната продолжува

Твитер скри објава на Трамп зашто величела насилство

Твитер скри еден од твитовите на Доналд Трамп со предупредување дека „го величи насилството“. Конфликтот меѓу американскиот претседател и социјалната мрежа сè повеќе се разжестува.

Трамп во четвртокот твитна за состојбата во градот Минеаполис, каде што жителите неколку дена протестираат откако полицаец уби црнец, и ги предупреди демонстрантите дека ќе ја испрати војската да интервенира ако „се јави некој проблем“.

„Кога ќе почне ограбувањето, почнува и пукањето“, напиша Трамп.

Два часа подоцна Твитер ја покри објавата на Трамп затоа што „го величи насилството“ и ги прекршува правилата на социјалната мрежа.

Правилото за додавање на предупредувања наместо бришење твитови платформата го воведе кон средината на 2019 година. Но Твитер никогаш не го примени тоа за Трамп, ниту пак некогаш избриша некоја негова објава.

Потегот на Твитер се случи неколку часа откако Трамп потпиша указ со кој се бара да се ограничи заштитата на социјалните медиуми и слободата што ја имаат при модерирање на нивната содржина.

Предупредувањето значи дека Твитер нема намера да се повлече во спорот со Трамп, кој почна во средата кога компанијата првпат додаде знакче за лажни податоци на објава на американскиот претседател.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе