Твитер првпат обележа твит на Трамп поради лажни информации

Вчера Твитер првпат ги повика корисниците да ги проверуваат податоците во твитовите што ги објавува американскиот претседател Доналд Трамп, предупредувајќи дека неговите тврдења поврзани со гласањето по пошта се покажале невистинити.

Американскиот претседател веднаш во твит ѝ одговори на компанијата, велејќи дека Твитер се меша во американските претседателски избори. „Твитер целосно ја задушува слободата на говорот и јас, како претседател, нема да го дозволам тоа!“, напиша Трамп.

Со синиот извичник корисниците се предупредуваат да ги „проверуваат податоците за дописното гласање“ и се пренасочуваат на страницата со новински написи и информации што Твитеровиот тим за проверка на факти ги дознал за тврдењата на Трамп.

„Трамп изнесува неосновано тврдење дека дописното гласање ќе доведе до злоупотреби на изборите“, е еден од насловите на врвот на страницата.

Трамп, кој има 80 милиони следбеници на Твитер, претходно дента во своите твитови тврдеше дека дописното гласање би било „значително неправедно“ и би резултирало со „наместени избори“. Тој го повика гувернерот на Калифорнија по име, иако таа сојузна американска држава не е единствената што користи дописно гласање.

Твитер потврди дека ова е првпат да се применува специјалното правило за обележување на твитовите на претседателот на САД, откако месецов беше воведено ново правило на компанијата за објавување „погрешни информации“.

„Сакајќи ја Америка и должејќи ѝ ја првата верност нејзе, ние ќе бидеме безвредни синови и ќерки на Америка ако немаме љубов во нашите срца за почвата што нè хранеше во нашето детство, за јазикот што го зборуваме и што го немаме заборавено...“

повеќе

Овде нема такво нешто. Има некои чинители што се занимаваат со испишување црвени линии. Не им значи ништо фактот што токму под ова гесло е овозможен најдолготрајниот мир на европскиот континент.

повеќе

Србија продолжува да го негира минатото, при што нејзините политички елити ја користат резолуцијата за да ѝ се спротивстават на Црна Гора и истовремено се надеваат дека овој потег ќе им донесе поголема популарност дома.

повеќе