Твитер ги затвори и профилите што ги пренесуваа пораките на Трамп, кој е доживотно исфрлен од мрежата

Твитер оваа недела затвори неколку профили чија намера била да ги пренесуваат пораките на поранешниот претседател на САД, Доналд Трамп, кој во јануари беше засекогаш исфрлен од неговата омилена платформа.

Фото: ЕПА

Социјалната мрежа вчера потврди дека по написите во американските медиуми интервенирала против некои профили што преземале објави од блогот на републиканскиот милијардер, наречен Од бирото на Доналд Трамп.

Поранешниот претседател беше протеран од Твитер во почетокот на оваа година зашто ги охрабруваше своите приврзаници да го нападнат Капитол додека на 6 јануари се одржуваше седницата за потврда на изборната победа на Џо Бајден.

Платформата прво привремено го затвори профилот на поранешниот претседател, а потоа трајно ја продолжи санкцијата.

Џек Дорси, основач и сопственик на Твитер, се бранеше на својот профил. Според него, тоа е добра одлука.

Повеќето големи социјални мрежи донесоа слични мерки, но сè уште не е решено дали мерките се привремени или конечни.

Јутјуб (Гугл) соопшти дека очекува да се намали ризикот од насилство.

Фејсбук му ја препушти одлуката на својот надзорен одбор, но новоформираното тело ѝ ја врати топката на компанијата повикувајќи ја за шест месеци да одлучи дали Доналд Трамп може да се врати на мрежата и кога.

Меѓународните членови на тој своевиден врховен суд, сепак, признаа дека е најдобро засега да се забрани.

Доналд Трамп пред забраната имаше скоро 89 милиони следбеници на Твитер, 35 милиони на Фејсбук и 24 милиони на Инстаграм.

На својата веб-страница тој продолжува да тврди, без никакви докази, дека победата на изборите му била „украдена“.

Легенда под Главна слика

Фото: ЕПА

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе