„Не може да има автоматизам“

Туск за идниот претседател на Европската комисија: Не се разговараше за имиња туку за процесот за избор на кандидат

Претседателот на Европскиот совет Доналд Туск изјави по првата рунда консултации со европските лидери дека идниот претседател на Европската комисија мора да ја има поддршката од квалификувано мнозинство во Советот и мнозинство во Европскиот парламент.

Тој истакна дека според одредбите на европскиот Договор Европскиот совет го предлага, а Европскиот парламент треба да го изгласа следниот претседател на Комисијата.

„Тоа значи дека во согласност со европските договори не може да има автоматизам. Истовремено, никој не може да биде исклучен. Тоа што некој е „водечки кандидат“ не е дисквалификација туку само може да ги зголеми нивните шанси“, изјави Туск.

Тој кажа и дека разговарале за потребата при изборот за водечките позиции во ЕУ да се задоволат географските, родовите како и критериумите на политичката припадност.

Германската канцеларка Ангела Меркел потврди синоќа дека го поддржува Манфред Вебер, кандидатот на десницата за местото претседател на Европската комисија.

„Го поддржуваме нашиот кандидат Манфред Вебер, а другите ги поддржуваат своите кандидати“, кажа германската канцеларка по вечерата на лидерите на 27-те членки на Европската Унија кои се собраа за првпат по одржаните избори за ЕП.

На средбата се разговараше за наследникот на Жан Клод Јункер.

Вебер е кандидат на Европската народна партија, која освои најмногу гласови на изборите.

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе

Наместо ефтини штосови на прес конференциите на СДСМ, ВМРО и ДУИ, на кои во несвест паѓаат само  партиските послушници, нивните лидери треба да одговорат на конкретни прашања.

повеќе