Според Пентагон

Турците гранатирале американски позиции во Сирија

Додека западните лидери размислуваат за можни стратегии против Турција поради операцијата во Сирија, од турски позиции било пукано кон американските сили во Сирија, пренесуваат агенциите.

Францускиот и американскиот претседател Емануел Макрон и Доналд Трамп синоќа разговарале телефонски и се согласиле да одржуваат постојани контакти поради сѐ посилната турска офанзива во северна Сирија, објави кабинетот на францускиот претседател, истакнувајќи дека Макрон укажал на важноста на обидите да се заврши воениот напад.

„Франција и САД, делејќи ја загриженоста, тесно ќе ги координираат потезите во следните денови“, соопшти Елисејската палата.

САД го засилија притисокот врз Турција за да ја наговорат да ја прекине офанизавата порачувајќи дека „Анкара нанесува голема штета“ и би можела да биде соочена со потенцијално разорни санкции.

Републиканскиот сенатор Линдзи Греам ја обвини Турција за етничко чистење и најави дека со поддршка од демократите и републиканците Конгресот ќе изгласа силни санкции против земјата.

Турската офанзива почна во вторникот откако американскиот претседател објави повлекување на американските сили од Сирија. Трамп од тогаш се бори со обвинувања, сега главно од републиканските редови, дека им го свртел грбот на своите сојузници Курдите во Сирија.

Турција ги засили воздушните и артилериските напади на североистокот на Сирија во офанзивата насочена против курдските борци што ги зголемува шансите за хуманитарна катастрофа и ги засили преиспитувањата на Трамповата политика на Блискиот Исток.

Американските сили во северна Сирија биле вчера изложени на артилериски оган од турските позиции но никој не бил ранет, објави Пентагон и тој случај укажува на ризиците за американските сили додека Анкара ја води операцијата против курдските сили.

„Експлозијата се случи неколку стотици метри од зоната опфатена со безбедносниот механизам во областа во близина на Кобане и Турците знаат дека таму се распоредени американски сили“, изјави портпаролот на Пентагон морнаричкиот капетан Бук Девалт.

Американските сили не се повлекоа од тој регион, додаде тој.

Турското министерство за одбрана објави дека ги презело сите мерки за ниедна американска база да не настрада од оганот од позициите во близина на американските сили во Кобане.

„Беше прекинат оганот откако реагираше американската страна“, наведе турското министерство во соопштение.

„САД бараат Турција да избегне потези кои би предизвикале моментални одбранбени активности“, истакна Девалт.

„Сметам на вас“. Со овие зборови, претседателот Макрон апелираше до граѓаните на Северна Македонија да гласаат за Преспанскиот договор на референдумот на 30 септември 2018.

повеќе

Сѐ додека Македонија ја претставуваат „политички најподобните" ќе тонеме длабоко и уште повеќе ќе се раслојуваме.

повеќе

По определувањето на мерката ефективен притвор, притворениот раководен функционер не може да издава полноважни правни акти, меѓу другото, и поради фактот што го нема службениот печат.

повеќе