Ердоган повторно се заканува

„Турција уште посилно ќе продолжи со офанзивата ако сириската влада направи грешка“

„Турција ќе ја продолжи офанзивата во североисточна Сирија уште поинтензивно од претходно ако не се спроведе петдневниот договор за прекин на огнот со САД“, рече турскиот претседател Реџеп Таип Ердоган и додаде дека Турција ќе одговори ако сириската влада „направи грешка во регионот“.

Тој додаде дека за Турција не претставува проблем влегувањето на сириските сили со поддршка од Русија во областите „исчистени“ од курдските борци наведувајќи дека Анкара нема намера да остане во областите што сега се под нејзина контрола во северна Сирија.

Но, ако Асад „направи грешка“, Турција ќе одговори.

Турција планира да воспостави 12 пункта во сириската „безбедна зона“, рече претседателот и додаде дека таму може да се сместат 2 милиони бегалци ако во неа се вклучени и Деир ал-Зор и Рака.

Ердоган рече дека го известил американскиот претседател Доналд Трамп за офанзивата во телефонски разговор еден ден пред таа да почне, пренесува Ројтерс.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе