Турција апси уште 1.112 лица поради поврзаност со Ѓулен

Турските власти денеска наредија апсење на 1.112 лица осомничени за врски со имамот Фетулах Ѓулен, кого Анкара го обвини за обидот за воен удар во 2016 година.

Како што објави турската агенција Анадолија, налози за апсење се издадени како дел од истрагата за наводните измами на тест од 2010 година, што им овозможило на полицајци да станат заменици на полициски инспектори.

Обвинителството тврди дека прашањата пред тестот им биле поделени на следбениците на Ѓулен, кој сега живее во САД.

Ова е една од најголемите операции против мрежата на Ѓулен од неуспешниот воен удар, пренесе АП.

Полицијата започна истовремени операции во главниот град Анкара и уште 75 провинции.

Од неуспешниот воен удар се уапсени околу 77.000 лица, додека 130.000 се отпуштени од работа.

Ѓулен негира дека имал каква било врска со обидот за воен удар.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе