Турција размислува да ја одложи набавката на С400 по барање на САД

Турција го разгледува барањето од САД да го одложи купувањето на рускиот ракетен систем С-400 до 2020 година, што би можело да ги намали тензиите меѓу двата сојузници во НАТО, објави Блумберг.

Администрацијата на американскиот претседател Доналд Трамп минатата недела побарала од Анкара да го одложи приемот на С-400, кој според договорот треба да биде испорачан во јули.

Доцнењето ќе им „купи“ повеќе време на Турција и на САД за решавање на прашањето што се заканува да резултира со наметнување уште поголеми санкции за турската економија.

САД тврдат дека рускиот антиракетен систем е дизајниран да соборува американски и сојузнички авиони, вклучувајќи го и Ф-35, во чија изградба помагаат и турски производители.

Турскиот министер за финансии, Берат Албајрак, претходно на Си-ен-ен изјави дека постои можност Трамп да ја посети Турција во јули.

Американскиот министер за одбрана, Патрик Шанахан, го нарече планираното купување на С-400 „некомпатибилно“ со намерата за купување борбени авиони Ф-35.

Американскиот државен секретар Мајк Помпео, исто така, минатиот месец објасни дека ги предупредил турските власти дека Анкара нема да биде подобна за производство на делови за Ф-35 поради купувањето на руските ракетни системи С-400.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе