Турција најави нови напади ако Курдите не заминат од североистокот на Сирија

Турскиот министер за надворешни работи Мевлут Чавушоглу кажа дека Турција ќе почне нова воена операција на североистокот на Сирија ако од тој регион не се повлечат борците на курдските единици ИПГ, кои ги нарече терористи, пренесе агенцијата Анадолу.

Чавушоглу кажа дека САД и Русија не го направиле она што требало според договорот со кој беше сопрена турската офанзива против Курдите на североистокот на Сирија минатиот месец.

Според договорот ИПГ требаше да се повлечат од зоната покрај границата со Турција.

Чавушоглу денес ги повика Вашингтон и Москва да се придржуваат до преземените обврски со договорот.

„Ако нема резултати, ќе го направиме она што е потребно, како што ја почнавме офанзивата откако се обидовме со патролите со САД“, кажа Чавушоглу.

Турција ја почна офанзивата на 9 октомври, откако американскиот претседател Доналд Трамп ги повлече силите од спорната област.

Анкара ги смета ИПГ, главната сила во Сириските демократски сили (СДФ) формирани по американска иницијатива, за терористичка организација и подружнива на Работничката партија на Курдистан (ПКК), со која со децении се борат турските оружени сили.

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе

„Тој е бугарофил“, е сентенца-обвинување, небаре сте Евреин во (пред)нацистичка Германија. Во држава со оспорено и  „проблематично минато“, која политички и национално се одржавотвори  во виорот на Втората светска војна, национализмот кој триесет години во Македонија се продуцираше, беше одбранбен национализам.

повеќе