Турција: Кога ќе влеземе 30 километри во сириската територија, теророт ќе биде елиминиран (ВИДЕО)

Турската офанзива на североистокот на Сирија нема да оди повеќе од 30 километри во длабочината на сириската територија, кажа денес турскиот министер за надворешни работи Мевлут Чавушоглу откако Анкара ден претходно почна сеопфатна воена акција против силите на сириските Курди.

Чавушоглу кажа дека безбедносната закана која за Турција ја претставуваат курдските борци ќе биде отстранета ако областа се „исчисти“ од милитантите.

„Кога ќе влеземе 30 километри во длабочината на сириската територија, теророт ќе биде елиминиран“, кажа турскиот министер.

Шефот на турската дипломатија порача и дека Турција, во рамки на својата воена акција, има право да го користи воздушниот простор на Сирија.

„Имаме право да го користиме тој воздушен простор. Тој не им припаѓа на САД и немаат право да го контролираат“, кажа Чавушоглу.

Ирачкиот претседател Бархам Салех, кој е Курд, оцени синоќа дека турската воена офанзива ќе предизвика „патење на населението“ и ќе ги „зајакне терористичките групи“ откако Багдад пред помалку од две години прогласи победа над ИСИС на својата територија.

Во Сулеманија, на истокот на Ирак, околу 5.000 ирачки Курди мирно демонстрираа со извикување „Ердоган диктатор“, изразувајќи незадоволство од офанзивата која, според нив, ќе ги зајакне џихадистите на Исламска држава.

Сириската невладина организација Опсерваторија за човекови права јави дека над 60.000 луѓе веќе избегале од североистокот на Сирија пред турската офанзива.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе