Турција ја предупреди Грција откако постави знаме на спорен остров

Турскиот премиер ја предупреди Грција да се воздржи од „провокации“ откако грчко знаме беше поставено на спорниот, ненаселен остров во Егејското Море во близина на турското крајбрежје.

Премиерот Бинали Јилдирим за новинарите во понеделникот изјави дека турските крајбрежни стражари го отстраниле знамето од островот покрај брегот на Егејското одморалиште Дидим, пренесе Вашингтон Пост.

Јилдирим рече дека инцидентот е сличен на оној од 1996 година, кога двата НАТО сојузници завојувале поради ненаселениот остров Имиа, т.е. Кардак на турски – за кого и Турција и Грција велат дека е нивен.

Јилдирим рече „нашиот совет за Грција е да се воздржи од провокации и вознемирувања... Решени сме да дадеме соодветен одговор“.

Во Атина, портпаролот на грчката влада, Димитрис Ѕанакопулос рече дека владата не знаела за инцидентот и ги опиша забелешките на Јилдирим како „провокативни и неоправдани“.

„Мислам дека Јилдирим треба да биде повнимателен“, рече Ѕанакопулос. „Ја повикуваме Турција да се врати кон почитување на меѓународното право... Тие треба да преземат иницијатива за деескалација на тензиите“.

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе