Турција испраќа војска во Либија

Реџеп Таип Ердоган пред да замине на самитот во Берлин потврди дека Турција започна со испраќање војска во Либија. Тој рече дека Турција испраќа трупи за поддршка на меѓународно признатата влада во Триполи.

Говорејќи во Анкара, Ердоган додаде дека Турција ќе продолжи да ги користи сите дипломатски и воени можности да обезбеди стабилност јужно од Турција, вклучително и Либија.

Анкара веќе распореди сили за обука на војниците лојални на Владата на Националната спогодба (ГНА), како дел од договорот за безбедносна соработка меѓу двете земји.

Ердоган исто така рече дека, како дел од поморскиот договор, веќе нема да биде можно други држави да вршат истражување за нафта и дупчење на брегот на Либија без одобрение на Анкара и Триполи.

Турција вети дека ќе ја поддржи повеќемесечната борба на ГНА против лидерот на либиската милиција Калифа Хафтар. Ердоган вети дека ќе го научи „пучистот“ Хафтар „лекција“ ако не ја прекине својата воена кампања против владата поддржана од ОН. Командантот го напушти самитот во Москва, наменет за посредување примирје во Либија, блокирајќи го напредокот постигнат за завршување на конфликтот.

Време е за коренити промени на економскиот систем во Хрватска.

повеќе

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе