Меѓу убиените има и деца

Турција гранатираше сириски град, загинаа 11 цивили (ВИДЕО)

Најмалку 11 цивили, меѓу кои осум деца помали од 15 години, загинаа денес во турско гранатирање во близина на училиште во град на северот на Сирија по контрола а курдските сили, објави Сириската опсерваторија за човекови права (СОХР).

Трагедијата се случи во Тал Рифаат, каде во спорадичните судири учествуваат турските сили и курдските борци. Во тој град има и сили на официјален Дамаск како и руски трупи, наведува СОХР.

„Артилериските гранати паднаа во близина на училиштето додека децата излегуваа од објектот“, изјави шефот на СОХР Рами Абдел Рахман наведувајќи дека во нападот се ранети 21 лице.

Повеќето жртви се Курди кои избегале во Тал Рофаат по бегството од енклавата Африн, нешто позападно, која во 2018 ја заземаа турските трупи.

Анкара по таа операција се закани со напад врз Тал Рифаат, но турската офанзива беше прекината благодарение на договорот со Москва.

Русија се обврза дека курдските милиции Единици за народна заштита (ИПГ) ќе ги уберди на повлекување.

Турција на 9 октомври со помош на сојузниците меѓу сириските антивладини бунтовници поведе офанзива против ИПГ, кои ги смета за терористи, за да ги одалечи од својата граница.

Но, повремените судири продолжуваат иако Анката двапати се согласи на примирје.

Турскиот претседател Реџеп Таип Ердоган кажа дека терористичките групи сѐ уште не се повлекле од Манбиџ и Тал Рифаат, од кои ИПГ мора да се повлечат врз основа на руско-турскиот договор.

Офанзивата ѝ овозможи на турската војска да ослободи појас покрај границаат долг 120 километри. Во судирите загинаа 150 цивили, а над 300.000 луѓе се раселени, покажуваат податоците на СОХР.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе