Трудо среде скандал, уште двапати се маскирал како црнец (ВИДЕО)

Премиерот на Канада, Џастин Трудо се најде среде скандал. Откако Тајм магазин во четвртокот ја објави фотографијата на која тој се маскирал како Аладин и го обоил лицето во црно, откриено е дека тој се маскирал како црнец уште во најмалку два наврати.

Трудо, откако се извини за првиот откриен случај на „блекфејс“, термин за маскирање на белци во лица со темна или црна боја на кожа, самиот призна дека тоа го направил уште еднаш.

Се работи за натпревар на таленти во средното училиште Џин Бребеф, каде тогаш се школувал, и каде го обоил лицето во црно и ставил перика.

Фотографијата прво се проширила на социјалните мрежи, а Трудо дури подоцна признал дека навистина се маскирал како црнец. На натпреварот ја отпеал реге-песната Деј-О, популаризирана од афро-американскиот пејач и активист Хари Белафонте.

Потоа канадскиот портал Глобал њуз објави снимка од трет случај кого Трудо направил „блекфејс“.

Се работи за снимка, наводно снимена во 90-тите години во средно училиште каде Трудо бил ученик. На неа, Трудо се клешти пред камерата, кревајќи ги рацете, кои, како и неговото лице, се обоени во црно. И тука носи афро-перика на главата.

Ова значи дека во едвај 12 часа откако Тајм магазин први ја објавија фотографијата, се откриени три вакви случаи. Во првиот случај е на забава одржана во 2001 година на тема „1001 ноќ“ во средното училиште Ванкувер во кое Трудо предавал како наставник. Трудо во тоа време имал 29 години. Фотографијата завршила во училишниот годишник, каде што Тајм и ја открил.

„Тогаш требаше да знам повеќе, но не знаев. Длабоко жалам за тоа што го направив. Го облеков костимот на Аладин и се нашминкав. Не требаше да го сторам тоа“, рече Трудо по објавувањето на првата фотографија.

Опозицијата веќе даде остри обвинувања на негова сметка. Лидерот на Конзервативната партија, кој речиси се изедначува со Трудо на предизборните анкети, рече дека „шминката е чин на отворен потсмев и расизам“ и дека Трудо е „некој со целосен недостаток на расудување и интегритет и некој кој не е подготвен да управува со оваа земја“.

Инаку, Канада ја очекуваат парламентарни избори за пет недели, а овој скандал може добро да му наштети на прогресивниот имиџ на Трудо. Некои канадски медиуми, како Торонто сан, веќе го осудија за лицемерие.

„Трудо нема да поднесе оставка поради ова, иако би барал од која било друга партија да го разреши секој кандидат фатен во иста ситуација“, напиша колумнистот на Торонто сан, Брајан Лили.

Политикологот Макс Камерон коментираше дека скандалот нанесол „удар во најмоќниот дел од неговиот оклоп“, бидејќи Трудо се брендира како бранител на мултикултурализмот и толеранцијата.

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе

Бидејќи знаеме да се перчиме со секој што потекнал од нашиве простори, дури и до илјадито колено наназад (од Аминта III до Симона Халеп), јас ќе ја искористам приликава за да се погордеам со македонските гени на еден извонреден музичар: Васил Хаџиманов.

повеќе

Коста Абрашевиќ, Гоце Делчев... и десетици илјади современици кои потпишале дека „по род се...", за да можат да патуваат и да работат во ЕУ државите.

повеќе