Тројца ерменски војници убиени во судир со Азербејџан, во тек е прекин на огнот

Ерменија соопшти дека тројца нејзини војници се убиени во размена на оган со Азербејџан, а Интерфакс објави дека двете страни подоцна го прифатиле рускиот предлог за прекин на огнот за да се смират тензиите.

EPA-EFE

Ерменското министерство за одбрана во изјава наведе дека азербејџанските сили ги нападнале ерменските позиции покрај границата на двете земји.

Двајца ерменски војници биле ранети во инцидентот, а борбите продолжиле.

Азербејџанското министерство за одбрана ги обвини ерменските сили за „провокации“, во округот Лакбаџар, и соопшти дека нивната војска ќе продолжи да се одмаздува, објави руската агенција ТАСС.

Интерфакс подоцна објави дека Азербејџан сепак го прифатил рускиот предлог за примирје во областа на инцидентот, а и ерменското министерство за одбрана го прифатило примирјето.

Инцидентот е еден од најсмртоносните од минатогодишната шестнеделна војна меѓу силите на Еревани Баку околу регионот Нагорно-Карабах и околните области.

Во шесте недели борби од септември до ноември минатата година азербејџанските сили ги истиснаа силите на етничките Ерменци од појасот на територии кои ги контролираа од 1990-тите и околу регионот Нагорно-Карабах пред да биде воспоставено примирје со посредство на Москва.

Во меѓувреме се разгоре граничниот спор меѓу двете страни кои во последните месеци се обвинуваа за упади на државната територија, истакнувајќи ја кревкоста на прекинот на огнот.

Легенда под Главна слика

EPA-EFE

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе