Три илјади луѓе од Србија го тужат НАТО

Две нови тужби против НАТО поради осиромашениот ураниум користен на Косово и Метохија, за време на бомбардирањето на СР Југославија во 1999, следната недела ќе бидат поднесени во суд во Белград.

EPA-EFE

Адвокатот Срѓан Алексиќ, кој во име на 3.000 луѓе ги поднесува тие тужби, во соработка со италијански адвокат, вели дека се подготвуваат уште тужби против Алијансата.

Претходната тужба, според него, е поднесена во јануари минатата година и ѝ е испратена на тужената страна, односно НАТО, но на неа сè уште нема одговор.

Во таа тужба се сите релевантни документи, докази, на англиски јазик е и даден е рок за изјаснување, објаснува Алексиќ, напоменувајќи дека покрај новите две тужби се подготвуваат и дополнителни.

На прашањето кој е поднесувач на тужбата против Алијансата, објаснува дека околу 3.000 луѓе се јавиле до сега, српски државјани, припадници на српската војска, резервисти, цивилно население кое било на Косово и Метохија за време на НАТО бомбардирањето. Исто така, додава адвокатот, тужбата е напишана во соработка со италијански адвокат, кој учествувал во 250 правосилни случаи, во кои суд донел одлука за отштета на италијанските војници кои поради осиромашениот ураниум развиле смртоносни болести.

Станува збор за тумор, многу специфичен и во сите случаи е докажано дека во нивната крв имало тешки метали. Истото, вели Алексиќ, е и кај српските војници, резервисти и цивили кои се наоѓале во зоните на фрлање бомби, со тоа што нивните случаи се уште потешки.

Доказите се цврсти, заклучува тој, наведувајќи дека врз основа на нив италијански суд донел 250 правосилни пресуди во корист на италијанските војници кои биле на Косово и Метохија за време на НАТО бомбардирањето.

Легенда под Главна слика

EPA-EFE

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе