Трамповата прослава на изборната ноќ се претвори во суперпреносител

Изборната прослава на Доналд Трамп што се одржа минатата среда, на која тој неоправдано се прогласи за победник на претседателските избори, се претвори во уште еден суперпреносител во Белата куќа.

Фото: ЕПА

Имено, според последните извештаи, има сè поголем број учесници на таа забава кои по неа се позитивни на ковид-19, пишува Форбс.

Така, во последната недела на коронавирус се позитивни директор на Белата куќа Брајан Џек и друг вработен во канцеларијата за политички работи на Белата куќа, поранешната асистентка во кампањата на Трамп, Хели Баумгарднер, секретарот за домување и урбан развој Бен Карсон и советникот за Трамповата кампања Дејвид Боси. Сите горенаведени службеници биле на забавата на Трамп.

Исто така позитивен на ковид-19 е претставник на канцеларијата на Белата куќа Марк Медоус, кој е фотографиран како се дружи со други учесници на прославата без заштитна маска на лицето.

Белата куќа одби да ги коментира овие случаи.

Ова не е прво такво жариште во Белата куќа. На 26 септември, Трамп приреди настан на кој е објавено дека неговата кандидатка за Врховен суд е Ејми Кони Берет. На настанот имало околу 200 лица, а подоцна се дозна дека најмалку 40 учесници и нивни контакти се заразиле со ковид-19 по настанот. Главниот американски експерт за инфективни болести Ентони Фаучи изјави дека станува збор за „настан-суперпреносител“.

Меѓу оние кои биле позитивни на коронавирус кратко по прославата во септември е и самиот Доналд Трамп, како и неговата сопруга Меланија и нивниот син Барон и портпаролката на Белата куќа, Кејли Мекенани.

Легенда под Главна слика

Фото: ЕПА

Структурното насилство кон трансродовите и родово небинарните луѓе е препрека во нивното реализирање како полноправни членови на општеството.

повеќе

И сега вие замислете, на едно детенце од 6 години да му кажувате со авторитет на наставник дека не треба да се дефинира како машко или женско.

повеќе

Засега СДСМ и ВМРО-ДПМНЕ и нивните заеднички алтер-фабрикати не даваат впечаток дека го разбираат новосоздадениот замаец.

повеќе