Трамп за Бајден и Путин: како Њу Ингланд патриотс против средношколски тим

Поранешниот американски претседател Доналд Трамп се осврна на вчерашниот онлајн-самит меѓу претседателот Џо Бајден и рускиот лидер Владимир Путин. Како што рече, рускиот претседател не треба да се грижи по хаосот со американското повлекување од Авганистан.

Фото: ЕПА

„Владимир Путин треба само да го погледне нашето патетично предавање во Авганистан, кога зад себе оставивме мртви војници, американски граѓани и воена опрема вредна 85 милијарди долари, а потоа да фрли поглед на Бајден. Тој воопшто не е загрижен“, рече Трамп по самитот Путин-Бајден, на кој американскиот претседател ѝ се заканил на Москва со санкции доколку ја нападне Украина.

Според Раша тудеј, пред онлајн-самитот, Трамп жестоко го критикувал својот наследник, велејќи дека разговорот на Путин со Бајден бил како да ги гледаш „Њу Ингланд патриотс како играат против вашиот средношколски тим“.

Поранешниот американски претседател се пофали и дека тој имал добри односи со рускиот лидер и со другите шефови на држави и влади додека бил во Белата куќа, но дека бил „тврд со сите нив“.

Бајден и Путин разговараа вчера преку видеоповик, а фотографијата објавена од Белата куќа покажува дека на видеоповикот присуствувале државниот секретар Ентони Блинкен, Џејк Саливан и вишиот директор задолжен за Русија и Централна Азија Ерик Грин.

„Ќе ве погледнам во очи и ќе ви кажам, како што претседателот Бајден го погледна Путин во очи и му рече денеска, дека сега сме подготвени да направиме работи што не ги правевме во 2014 година“, им рече на новинарите советникот за национална безбедност Џејк Саливан по видеосредбата.

Легенда под Главна слика

Фото: ЕПА

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе