„Отсекогаш имало такви што сакаат да лажат за минатото за да добијат моќ во сегашноста, оние што лажат за нашата историја, оние што сакаат да се срамиме од тоа кои сме“, рече Трамп во саботата. „Нивната цел е уништување“.
Тој вети дека ќе ја победи радикалната левица. Тој направи паралела со поразените нацисти и сегашниот „процес на пораз на радикалната левица“.
On this wonderful day, we celebrate our history, our heroes, our heritage, our flag, and our FREEDOM. Happy Fourth of July to Everyone! #SaluteToAmerica pic.twitter.com/hdPIu30KK1
— Donald J. Trump (@realDonaldTrump) July 5, 2020
Додека Трамп држеше говор, мирни демонстранти повикаа на расна рамноправност во близина на Белата куќа.
Милиони Американци протестираа против расната нееднаквост и полициската бруталност од убиството на Афроамериканецот Џорџ Флојд во мај. Некои демонстранти ги соборија спомениците поврзани со Конфедерацијата и ропството.
Трамп во петокот на планината Рашмор исто така ги осуди демонстрантите што рушат споменици, велејќи дека со тоа се загрозува американското национално наследство.
Одбележувањето на Денот на независноста се одвива во време кога бројот на нови инфекции со коронавирус расте во американските сојузни држави, а Трамп без никакви докази тврди дека 99 проценти од случаите се „целосно безопасни“.
Иако има бројни критики за неговото справување со пандемијата, Трамп тврди дека Кина „мора да одговора за неуспешното сузбивање на коронавирусот“.
Трамп, исто така, во својот говор порача дека САД ќе имаат вакцина или терапија против вирусот „доста пред“ крајот на 2020 година.
Во петокот во САД е регистрирани рекорден број на дневни зарази, дури 52.300, покажуваат податоците од универзитетот Џон Хопкинс.
Џо Бајден, ривалот на Трамп на претседателските избори во ноември, објави коментар во кој го обвинува американскиот претседател дека секојдневно наоѓа „нови начини за рушење на демократијата“.
Градоначалничката на Вашингтон, Муриел Боузер се обиде да ја убеди администрацијата на Трамп да се откаже од прославата затоа што е во спротивност со препораките на здравствените власти.
Во петокот преку Твитер таа ги повика граѓаните да носат маски, да практикуваат социјално дистанцирање и да избегнуваат големи собири.
„Вашето семејство, вашите пријатели и вашиот град сметаат на вас“, напиша Баузер.
Staying home for the 4th doesn’t need to get you down.
— Mayor Muriel Bowser (@MayorBowser) July 4, 2020
Your family, your friends, and your city are counting on you. If you must go out, keep us healthy by practicing good hygiene; wearing a mask; staying 6 feet apart; and avoiding large crowds.
Have a safe 4th of July, DC! pic.twitter.com/nrfiMe5DyY
