Ескалација на тензиите

Трамп соопшти дека американски воен брод соборил ирански дрон

Доналд Трамп изјави дека морнаричкиот амфибиски десантен брод УСС Боксер „уништил“ иранско беспилотно летало што било на „околу 1.000 метри“ од бродот.

Говорејќи во Белата куќа попладнево, претседателот ги повика другите нации да се одбранат од обидите на Иран да „ја наруши слободата на навигацијата и глобалната трговија“ и „да ги заштитат своите бродови додека одат низ (Ормускиот теснец)“.

Тој опиша дека УСС Боксер презел „дефанзивна акција“ откако беспилотното летало ги игнорирало постојаните повици за да се повлече.

Беспилотното летало било закана за безбедноста на американскиот воен брод и екипажот, рече претседателот.

Иран неодамна собори американско беспилотно летало за кое се вели дека летало над Иран.

САД, исто така, побараа од Иран веднаш да го ослободи бродот што денеска го заплени во Заливот, непосредно пред УСС Боксер да го погоди беспилотното летало.

„САД остро го осудуваат континуираното вознемирување на бродовите од страна на морнарицата на Исламската револуционерна гарда и мешањето во безбедното преминување во и околу Ормускиот теснец“, изјави портпаролот на Стејт департментот во изјавата испратена до Ројтерс.

Трамп на Твитер објави видео од своето соопштување попладнево, пишувајќи: „Сакам да ги известам сите за денешниот инцидент во Ормускиот теснец“.

„Боксер презеде дефанзивна акција против иранско беспилотно летало“, додаде тој.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе