Трамп се закани дека поради Кина ќе ја напушти Светската трговска организација

Американскиот претседател Доналд Трамп во вторникот се закани дека ќе ја напушти Светската трговска организација (СТО), која остро ја критикува затоа што, според него, ја фаворизира Кина на штета на САД.

„Ќе ја напуштиме организацијата ако треба“, рече американскиот претседател пред вработените во хемиска фабрика на компанијата Шел во Пенсилванија.

„Со години нè мачат и тоа веќе нема да се случува“, рече Трамп.

Не е првпат Трамп да се закани дека ќе ја напушти меѓународната организација, која ја оцени како „застарена“ за време на својата предизборна кампања.

Минатото лето, Трамп оцени дека СТО со години „многу лошо“ ги третира Соединетите Американски Држави и уверуваше дека доколку организацијата не се реформира, САД ќе се повлечат.

На крајот на јули, тој повикуваше на реформи во СТО и да не им се даваат веќе повластен третман на земјите во развој. Администрацијата на Трамп долго време ја обвинуваше СТО и некои нејзини членки, како Кина, дека го злоупотребуваат статусот на земја во развој, што овозможува одложување на спроведување на некои договори или заштита на некои области, без да се изложи на гневот на членките на организацијата.

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе