Трамп претрпе нов пораз, овој пат на судот во Пенсилванија

Врховниот суд на американската држава Пенсилванија отфрли уште еден правен обид на таборот на американскиот претседател Доналд Трамп да ја оспори победата на противникот Џо Бајден во таа сојузна држава.

Фото: ЕПА

Републиканскиот обид да ги отфрли гласовите доставени по пошта во државата каде Бајден победи со 81.000 гласови пропадна, како и нивното алтернативно барање да се поништат изборните резултати и Парламентот на Пенсилванија да го одреди победникот.

Судот едногласно ги одби и двете барања. Со ова е отфрлена последната тужба на таборот на Трамп во Пенсилванија.

Со тужбата поднесена од републиканскиот пратеник во Претставничкиот дом на Конгресот Мајк Кели е направен обид да се прогласи за неуставен законот од 2019 година со кој во Пенсилванија е воведено широко право за гласање по пошта.

Судиите рекоа дека со ваквото барање е задоцнето затоа што било поднесено повеќе од една година по стапувањето во сила на законот и во време кога резултатите од изборите биле очигледни.

Пенсилванија официјално ја потврди победата на Бајден на 24 ноември, а со тужбата е направен обиде да се запре потврдата на изборните резултати.

Последната пресуда на Врховниот суд во Пенсилванија ја продолжува низата десетици изгубени тужби поднесени од кампањата на Трамп и неговите следбеници низ САД во обид да се поништи победата на Бајден на претседателските избори во САД на 3 ноември.

Трамп продолжува да одбива да го признава поразот и тврди, без докази, дека изборите биле наместени и преку Твитер испраќа десетици пораки за бизарни теории на заговор. Бајден ќе положи заклетва на 20 јануари следната година.

Легенда под Главна слика

Фото: ЕПА

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе