Тој рече дека Бајден победил затоа што изборите биле наместени, но набрзо објави нов твит во кој рече дека не признава ништо, очигледно ни победата на Бајден и дека изборите се лажни.
Трамп продолжи да твита и денес, и сè што објавува на Твитер говори за тоа како тој ги освоил изборите и како изборите биле наместени.
Досега, само од утрото, тој двапати објави дека победил.
Денес Трамп објави твитови во кои тврди дека победил, проследи туѓи, но и свои стари твитови и зборуваше за фактот дека изборите биле наместени.
I won the Election!
— Donald J. Trump (@realDonaldTrump) November 16, 2020
„Победив на изборите“, напиша Трамп пред неколку часа, а потоа рече дека пребројувањето на гласовите во Џорџија е лажно.
The Fake recount going on in Georgia means nothing because they are not allowing signatures to be looked at and verified. Break the unconstitutional Consent Decree!
— Donald J. Trump (@realDonaldTrump) November 16, 2020
Твитер стави предупредување на двете објави.
Тој, исто така, се пофали дека со вакцина за коронавирус се дошло за време на неговиот мандат и зборуваше за тоа како медиумите на лажни вести се обидуваат да му ги украдат изборите.
„Нема да им го дозволиме тоа“, рече тој.
The Radical Left Democrats, working with their partner, the Fake News Media, are trying to STEAL this Election. We won’t let them!
— Donald J. Trump (@realDonaldTrump) November 16, 2020
Медиумите ја прогласија победата на Бајден на 7 ноември, но Трамп оттогаш одбива да го признае поразот.
Бајден доби 306 електорски гласови, далеку над 270 колку што биле потребни.
