„Национална тревога“

Трамп потпиша извршна наредба која го отвора патот за забрана на Хуавеј во САД

Американскиот претседател Доналд Трамп прогласи национална тревога за технологијата дизајнирана или произведена од страна на „националните противници“, акт кој се сфаќа обид да се блокираат кинеските компании ЗТЕ и Хуавеј да влезат на 5Г пазарот.

Тврдејќи дека „странските непријатели забрзано создаваат и ги користат слабите точки во информациската и комуникациската технологија и услуги“ од кои САД сѐ повеќе зависат, извршната наредба на Трамп објавува тревога за информациските и комуникациските технологии дизајнирани, развиени, произведени или набавени од странство.

Тревогата му овозможува на министерството за трговија авторитет да блокира какви било трансакции кои претставуваат „непосреден ризик од саботажа или субверзија“ на ИТ или комуникациските технологии и услуги, или пак „непосреден ризик од катастрофални ефекти за безбедноста на критичната инфраструктура или дигиталната економија“.

Постои и член кој овозможува да се блокира сѐ што „на каков било начин претставува неприфатлив ризик за националната безбедност на САД или на безбедноста на Американците“.

Министерството за трговија треба да ги именува компаниите или технологиите кои треба да бидат забранети со овој указ, и треба да направат систем за негово спроведување.

Иако нема конкретни држави именувани во декларацијата за тревога, и администрацијата на Трамп и Конгресот во повеќе наврати ги истакнаа кинеските гиганти ЗТЕ и Хуавеј како потенцијални закани за САД, особено нивниот развој на 5Г технологијата.

Пекинг ја осуди мерката како дискриминирачка, реагирајќи на повеќето извештаи на американски медиуми за подготовката на ваквата извршна наредба.

„Ова не е ни грациозно ниту фер“, кажа портпаролот на кинеското министерство за надворешни работи Генг Шуанг во вторникот. „Ги повикуваме САД да престанат да се повикуваат на безбедносни закани како изговор за неоправданото блокирање на кинеските компании и да обезбедат фер и недискриминирачка атмосфера за кинеските компании кои работат во САД“.

Извршната наредба на Трамп доаѓа само неколку дена по пропаѓањето на американско-кинеските трговски преговори.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе