Одлуката ја донесе тамошното Министерство за трговија со оглед на тоа дека извршните наредби на администрацијата на Трамп против овие апликации ќе стапат во сила.
Луѓето што веќе ја имаат инсталирано апликацијата сепак ќе можат да ја користат како и обично, но нема да можат да преземаат нови ажурирања, што наскоро може да доведе до дефект на апликацијата бидејќи програмерите нема да можат да ги исправаат грешките или да прават измени.
Од недела секоја дистрибуција или одржување на Ви-чет или Тикток во трговијата на апликации ќе биде забранета.
Подоцна може да се воведат и други забрани, вклучувајќи ги и оние насочени кон некои други апликации што може да послужат како заобиколни решенија.
„Денешниот потег уште еднаш докажа дека претседателот Трамп ќе стори сè што е во негова моќ за да ја гарантира националната безбедност и да ги заштити Американците од заканите од Кинеската комунистичка партија. По насоки на претседателот, презедовме значителни мерки за борба против злонамерното собирање лични податоци на американските граѓани, истовремено промовирајќи ги нашите национални вредности, норми засновани на демократски принципи и агресивно спроведување на законите и регулативите на САД “, рече министерот за трговија Вилбур Рос.
