„Денес важна конференција за медиумите за многу јасниот и одржлив пат до победата. Нештата многу убаво доаѓаат на свое место“, напиша тој на Твитер.
Important News Conference today by lawyers on a very clear and viable path to victory. Pieces are very nicely falling into place. RNC at 12:00 P.M.
— Donald J. Trump (@realDonaldTrump) November 19, 2020
Неколку минути претходно на Твитер објави дека бил украден на претседателските избори во Детроит, Мичиген.
„Гласачката измама во Детроит е жестока и тоа веќе долга низа години“, напиша денес Трамп.
Voter Fraud in Detroit is rampant, and has been for many years!
— Donald J. Trump (@realDonaldTrump) November 19, 2020
Трамп во изборната ноќ водеше во државата Мичиген, која носи 16 електорски гласа, за на крајот да изгуби.
„Синоќа водев, многу солидно, во бројни клучни држави, во речиси сите места кои ги држеа и контролираа демократите. Тогаш, една по една, почнаа магично да исчезнуваат додека се броеја ненадејните дописни гласови. Многу чудно, а анкетарите сфатија се целосно и историски погрешно“, напиша Трамп тогаш на омилената социјална мрежа.
Кампањата на Трамп почна низа судски процеси во обид да го смени исходот на изборите, а Трамп без докази тврди дека изборите се „украдени“.
Вчера од судот побараа да го прогласи за победник на претседателските избори во Пенсилванија, а претставничкиот дом на таа држава, кој го контролираат републиканците, да избере електори кои ќе гласаат за претседателот на САД.
На ниво на Соединетите Американски Држави Џо Бајден доби 306 електорски гласа, а Трамп 232. За победа се потребни 270, па Трамп би морал да го промени исходот во Пенсилванија, која носи 20 електорски гласа, и во уште две држави.
Бајден во Пенсилванија доби околу 82.000 гласа повеќе од Трамп.
