Трамп на Твитер: Ако Иран сака војна, тоа ќе биде официјалниот крај на Иран

Американскиот претседател Доналд Трамп му се закани на Техеран дека ако сака војна, дека тоа ќе биде „неговиот официјален крај“ преку социјалната мрежа Твитер, додка Вашингтон трупа војска на Блискиот Исток.

Не е јасно што го испровоцирало американскиот лидер, бидејќи сите ирански функционери во последните денови изјавуваат дека сакаат да избегнат воено соочување со САД. Претходно денес, командантот на елитната иранска Револуционерна гарда, генерал Мајорот Хосеин Салами, истакна дека Иран само сака мир, но дека не се плаши воено да се соочи со Америка. „Разликата меѓу нас и нив е тоа што тие се плашат од војна и немаат воља за тоа“, кажа Салами.

Претходно, иранскиот врховен лидер ајатолахот Али Хамнеи кажа дека нема да има војна во Персискиот Залив. Меѓутоа, тој додаде дека Техеран нема да се вклучи во преговори за нов нуклеарен договор со САД.

Администрацијата на САД во последно време врши притисок врз Иран со санкции и трупање војска во близина на иранските територијални води. САД и нивните сојузници почнаа да ги интензивираат поморски безбедносни патроли во меѓународните води на Персискиот Залив оваа недела откако Вашингтон ја дополни својата Петта флота.

Во Персискиот Залив беа испратени носачот на авиони УСС Абрахам Линколн и Б-52 бомбардери испратени во регионот како директна порака до Иран.

Не се знае што точно го предизвика зголемувањето на американското воено присуство, а засега различни извори сугерираат верзии од недоразбирање до влијание на Израел.

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе

Наместо да седнат заедничи и оние од власта и оние од опозицијата и да се договорат околу стратегијата за борбата со најголемата опасност, тие мудруваат и кажуваат бајки.

повеќе