Постави рок

Трамп „на барање на демократите“ ги одложи масовните депортации на емигрантите (ВИДЕО)

Американскиот претседател Доналд Трамп објави на социјалната мрежа Твитер дека „на барање на демократите“ ги одложува масовните депортации на нелегалните емигранти, планирани за денес, и им даде рок од две недели на демократите и републиканците во Конгресот да се договорат околу решавањето на проблемот на јужната граница на САД, инаку тој ќе нареди почеток на депортациите.

„На барање на демократите го одложив процесот на отстранување на нелегалните емигранти (депортација) на две недели, за да видам дали демократите и републиканците можат да седнат и заедно да најдат решение за проблемот околу азилот и дупките на јужната граница. Доколку не можат, депортациите почнуваат!“, напиша Трамп, од чија порака не е јасно дали мисли на правните дупки во законот или буквалните дупки во оградата на границата со Мексико.

Трамп претходно им нареди на надлежните служби да спроведат масовна депортација на емигрантите на кои им е наложено да ја напуштат земјата, објавија американските медиуми кои најавија дека акцијата треба да почне денес.

Беше наведено дека Трамп напишал дека ќе бидат депортирани оние емигранти на кои веќе им е доставено решение дека треба да ги напуштат САД.

Вашингтон пост напиша дека операцијата ќе опфати околу 2.000 семејства во големите градови како Хјустон, Чикаго, Мајами и Лос Анџелес, а Мајами хералд наведе дека ќе бидат депортирани и емигранти од Атланта, Балтимор, Денвер, Њу Орлеанс, Њујорк и Сан Франциско.

Трамп на Твитер претходно наведе дека „милиони нелегални емигранти“ ќе бидат депортирани од САД, а во најновиот твит објасни дека ќе бидат депортирани само оние на кои веќе им е наложено да ја напуштат земјата.

„Тоа значи дека веќе бегаат од органите на редот и судовите. Станува збор за луѓе кои треба да се вратат во своите земји и кои го прекршиле законот со тоа што дошле и што останале тука“, напиша американскиот претседател.

Најголемиот број емигранти кои во текот на една година биле депортирани од САД бил 435.000 и тоа во 2013.

Активистите кои се бават со заштита на емигрантите тврдат дека Трамп оваа операција ја користи во политички цели и предупредуваат дека се шири страв меѓу емигрантите.

Администрацијата, меѓутоа, тврди дека ваквите операции ќе ги обесхрабрат оние емигранти кои сакаат нелегално да влезат во САД.

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе