Трамп ќе ја напушти Белата куќа доколку Електорскиот колеџ ја потврди победата на Бајден

Доналд Трамп изјави дека ќе ја напушти Белата куќа доколку Електорскиот колеџ ја потврди победата на демократскиот кандидат Џо Бајден на претседателските избори, објави Ројтерс.

Фото: ЕПА

Инаугурацијата на Бајден за нов претседател на Соединетите Држави треба да се одржи на 20 јануари следната година, според Ројтерс.

Зборувајќи пред новинарите на Денот на благодарноста, Трамп исто така рече дека неодамнешните избори во САД се измама, но не понуди конкретни докази за нерегуларности во гласањето.

Тој исто така одби да каже дали ќе присуствува на инаугурацијата на Бајден.