Трамп кажа дека „секогаш има шанса“ за војна со Иран (ВИДЕО)

Војна меѓу САД и Иран е возможна, изјави американскиот претседател Доналд Трамп во интервју со новинарот Пирс Морган. Меѓутоа, тој истајна дека не посакува оружен конфликт со Техеран.

Откако беше притиснат од Морган за сѐ поголемите тензии со Иран и можноста од избовање војна, Трамп призна дека ниедна опција не е исклучена.

Американскиот лидер кажа дека „многу повеќе би сакал да разговара“ со Иран, но дека сите неопходно активности ќе бидат преземени за да се спречи Иран да дојде до нуклеарно оружје.

„Единственото нешто што не можеме да им дозволиме да го имаат е нуклеарно оружје. Знам многу за нуклеарното оружје. Јас сум тој што е истрениран и многу учам за тоа“, кажа Трамп.

Тој зборуваше и за „огромната одговорност“ на тоа што е одговорен за американскиот нуклеарен арсенал, но истакна дека тоа е одговорност со која е „подготвен да се справи“.

Интервјуто беше прикажано на последниот ден од посетата на Трамп на Британија. Американскиот претседател се труди да ја добие поддршката од Лондон и другите европски сојузници за нови санкции против иранскиот режим, откако еднострано ги повлече САД од историскиот нуклеарен договор со Иран од 2015 година.

Тензиите меѓу Вашингтон и Техеран растат, заедно со американското воено присуство на Блискиот Исток како „предупредување“ до Иран. САД ги обвинија Иранците дека коваат заговор за напад врз соседни земји и саботирање на неколку нафтени танкери покрај брегот на Обединетите Арапски Емирати, без да дадат докази за тврдењата.

Техеран ги отфрла обвинувањата, но предупреди дека е подготвен да се брани против американската воена агресија. Соопшти и дека е подготвен да преговара, но дека „преговорите со ѓаволот“ ќе бидат без резултат.

Деликатна јазична авантура е ако се излезе од основното и утврдено значење на зборовите и се прејде во сферата на жаргонот и колоквијалноста.

повеќе

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе