Трамп го обвини Си-ен-ен дека пренесува лажни вести: „Фатени се на дело“

Американскиот претседател Доналд Трамп повторно ги критикуваше националните телевизиски канали, обвинувајќи го конкретно Си-ен-ен за „перфиден“ напад врз него во репортажа која се покажала како неточна.

Во утринска низа постови на Твитер, Трамп објави: „Си-ен-ен + лажни вести + вчера направи перфидна и намерна грешка“.

„Фатени се на дело, како и многу изолираниот Брајан Рос од Еј-би-си њуз“, додаде американскиот претседател, спомнувајќи го новинарот суспендиран поради неточна информација.

Рос објави дека Трамп му наложил на својот советник Мајкл Флин да ја контактира Русија пред претседателските избори во ноември 2016, но тоа тој всушност го направил по изборите. Трамп смета дека поради тоа Рос треба да биде отпуштен.

Си-ен-ен во петокот наутро објави дека Трамп и неговиот најстар син Доналд Џуниор добиле имејл со електронска адреса и клуч за дешифрирање кој овоможува пристап до ханатите документи на Демократската партија и објавени на Викиликс, но пред да станат достапни на јавноста. Сепак, хронологијата се покажа како неточна. Си-ен-ен брзо објави исправка, прецизирајќи дека имејлот го носел датумот 14, а не 4 септември 2016, односно еден ден по објавувањето на документите од страна на Викиликс.

„Внимавајте дали Си-ен-ен ќе ги отпушти оние што се одговорни за тоа, или е тоа чиста неспособност“, коментираше Трамп.

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе

Четирите предложени амандмани треба да им го оневозможат луксузот што го имаа сите досегашни влади, на сите идни влади - спорот за името да им биде изговор за несовесно работење, корупција и системски пропусти.

повеќе

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе