Турска офанзива во Сирија

Трамп ги укина санкциите кон Турција

САД ги укинуваат санкциите кон Турција поради неодамнешната офанзива против курдските борци во североисточна Сирија, рече претседателот Доналд Трамп, и покрај раширениот став меѓу пратениците од неговата сопствена партија и експертите дека повлекувањето на Америка од регионот е победа за Турција и Русија.

„Санкциите ќе бидат укинати, освен ако не се случи нешто од што не сме задоволни“, објави тој денеска во изјавата во Белата куќа, додавајќи дека „ова беше ситуација создадена од нас“.

„Некој друг нека се бори за ова долго крваво мочуриште“, додаде претседателот, иако рече дека мал број војници ќе останат во Сирија за да ја обезбедат нафтата, цел што често ја истакнува кога зборува за тој регион.

Тој рече дека Турција го уверила дека ќе престане да се бори во регионот и дека неодамна договорениот прекин на огнот ќе го направи постојан.

Американските санкции беа воведени минатата недела како одговор на неодамнешната офанзива на Турција против курдските борци, кои ги смета за терористи. Турција сака да создаде длабока „безбедна зона“ од 30 километри вдолж сириската страна на границата.

Русија и Турција вчера се согласија да го продолжат прекинот на огнот по должината на сириската граница, со распоредување руски војници.

Офанзивата на Турција почна по неочекуваната одлука на претседателот Трамп за повлекување на американските трупи од северна Сирија во почетокот од овој месец.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе