Трамп демантираше дека воените вежби со Јужна Кореја ги откажал поради Ким

Претседателот на САД, Доналд Трамп изјави дека откажувањето на големите воени вежби со јужнокорејската војска не е отстапка за севернокорејскиот лидер Ким Џонг Ун, со кого минатата недела се состана во Виетнам.

„Воените вежби не ги ни споменавме на средбата со Ким Џонг Ун“, напиша Трамп на Твитер.

„Тоа го решив многу порано бидејќи овие 'воени игри' се премногу скапи за САД", додаде Трамп.

САД и Јужна Кореја во неделата, три дена по самитот кој заврши без постигнување на договор, објавија дека се откажуваат од годишните воени вежби кои редовно ја лутеа Северна Кореја.

Овие вежби ќе бидат заменети со помали маневри, со цел да се задржи солидната воена подготовка на силите на Јужна Кореја, преку соопштение наведе јужнокорејското министерство за одбрана.

Речиси 30.000 американски војници се распоредени во Јужна Кореја. Големите воени вежби кои редовно се спроведуваа со силите на Јужна Кореја ја иритираа Северна Кореја.

Плаќањето на вработените на час наместо месечно помага да се зголеми нивната плата со тоа што ќе се вреднува работното време поефикасно.

повеќе

Нема пазар доколку нема информации. Дајте ги информациите за пазарот на грозје.

повеќе