Во своето денешно обраќање до нацијата, Трамп зборуваше за измами и дека поради нив ќе се обрати до Врховниот суд за да го запре гласањето.
„Спремни сме да победиме на изборите, искрено ние и победивме на изборите“, изјави тој. Американскиот претседател, без да презентира докази, рече дека изборите биле мамење на американската јавност.
„Една тажна група луѓе се обидуваат да ги дискредитираат резултатите“, рече тој, додавајќи дека треба да се подготват за голема прослава.
По говорот во кој прогласи победа, се огласи и на Твитер.
„Синоќа водев, честопати солидно, во голем број клучни држави, во скоро сите места што ги држеа и контролираа демократите. Потоа, една по една, тие почнаа магично да исчезнуваат додека се броеја изненадувачките гласови по пошта. МНОГУ ЧУДНО, а анкетарите сè сфатија комплетно и историски погрешно“, рече тој.
Last night I was leading, often solidly, in many key States, in almost all instances Democrat run & controlled. Then, one by one, they started to magically disappear as surprise ballot dumps were counted. VERY STRANGE, and the “pollsters” got it completely & historically wrong!
— Donald J. Trump (@realDonaldTrump) November 4, 2020
Твитер веднаш му прикачи забелешка дека твитот е неточен и дека доведува во заблуда за изборите.
Набргу потоа, тој објави уште еден твит.
„Како тоа секогаш кога ќе ги избројат гласовите стигнати по пошта, тие се толку деструктивни во процентот и моќта на уништување?“, додаде тој.
How come every time they count Mail-In ballot dumps they are so devastating in their percentage and power of destruction?
— Donald J. Trump (@realDonaldTrump) November 4, 2020
По овој твит, Трамп објави уште еден, во кој всушност сподели објава од човек што повикува резултатите да се решат во Врховниот суд, бидејќи наводно на Бајден во последните најнови резултати му биле додадени 100% од гласовите за Трамп.
Твитер веднаш го обележа и овој твит како заблудувачки.
Но Трамп не застана тука. Тој се јави неколку часа подоцна и рече дека се обидуваат да му исчезне предноста во Пенсилванија.
„Многу се трудат да ми исчезне предноста од 500.000 гласови во Пенсилванија - што е можно побрзо. Исто така во Мичиген и на други места“, напиша тој.
They are working hard to make up 500,000 vote advantage in Pennsylvania disappear — ASAP. Likewise, Michigan and others!
— Donald J. Trump (@realDonaldTrump) November 4, 2020
Твитер стави предупредување и на оваа објава.
Но тој не застана ни тука, па рече дека отсекаде се појавуваат гласови за Бајден.
„Насекаде наоѓаат гласови за Бајден, во Пенсилванија, Висконсин и Мичиген. Тоа е многу лошо за нашата земја“, напиша тој.
They are finding Biden votes all over the place — in Pennsylvania, Wisconsin, and Michigan. So bad for our Country!
— Donald J. Trump (@realDonaldTrump) November 4, 2020
Подоцна, околу 20 часот, Трамп повторно се огласи на Твитер.
„Наголемо ја освојуваме Пенсилванија, но државниот секретар на Пенсилванија тукушто објави дека треба да се избројат уште милиони гласачки ливчиња“, твитна Трамп и повторно алудираше на неправилности.
We are winning Pennsylvania big, but the PA Secretary of State just announced that there are “Millions of ballots left to be counted.”
— Donald J. Trump (@realDonaldTrump) November 4, 2020
