Коронавирус

Токио сака да воведе вонредна состојба, рекорден број тешки случаи во земјата

Регионалните власти на Токио денеска побараа од централната влада да прогласат вонредна состојба поради зголемениот број нови случаи на коронавирусот, што доведе до тоа Јапонија да забележи рекорден број пациенти со ковид-19 што се во сериозна состојба.

Фото: ЕПА

Гувернерот на Токио, Јурико Коике, тоа ќе го побара на состанокот со министерот за економија Јасутоши Нишимура, кој ја координира владината борба против пандемијата, објавија медиумите повикувајќи се на повеќе извори.

Премиерот Јошихиде Суга се спротивставува на повиците за вонредна состојба низ целата земја, како што беше случајот во април во првиот бран на пандемијата.

Бројот на нови случаи на коронавирусот во Токио достигна рекорд на 31 декември со 1.337, во споредба со 783 во петокот.

Во четвртокот беше поставен и национален рекорд со нови 4.520 случаи.

Јапонското Министерство за здравство потенцираше дека 716 пациенти со коронавирус се во сериозна состојба, што е рекорден број во таа земја.

Вкупно 36.186 лица се хоспитализирани, пренесува Си-ен-ен.

Од почетокот на пандемијата, во Јапонија се регистрирани 238.724 случаи на коронавирусот, а вкупно починале 3.500 лица.

Легенда под Главна слика

Фото: ЕПА

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе