Токио им изрази загриженост на Русија и на Кина поради воените акции

Токио преку дипломатските канали им изрази загриженост на Русија и на Кина поради неодамнешниот заеднички премин на руската и на кинеската морнарица низ мореузите Цугару и Осуми.

Фото: скриншот

Министерот за надворешни работи Тошимитцу Мотеги на конференцијата за новинарите соопшти дека преминот на руските и на кинеските бродови низ мореузите Цугару и Осуми е прв таков случај, како и дека внимателно се следат акциите на Москва и на Пекинг во близина на Јапонија, и дека преку дипломатски канали им е изразена загриженост на двете страни, пренесува ТАСС.

Висок јапонски дипломат истакна дека Токио ќе ги продолжи активните разговори со Москва за разни теми, вклучително и за територијалното прашање.

Група од 10 воени брода на Кина и на Русија помина низ тесниот премин што ги раздвојува најголемите јапонски острови Хоншу и Хокаидо, соопшти претходно Министерството за одбрана во Токио.

Ова е првпат Јапонија, која внимателно ги следи воените маневри во своето опкружување, да го потврди преминот на кинеските и на руските воени бродови, кои заедно пловат низ мореузот Цугару што го одвојува Јапонско Море од Пацификот.

Русија и Кина од 14 до 17 октомври одржаа заеднички поморски вежби во Јапонско Море во рамките на воената соработка, во која беа ангажирани воени бродови на двете земји со поддршка на руската Пацифичка флота.

Легенда под Главна слика

Фото: скриншот

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе