Тирана упати повик до Србија: Повлечете ги оружените сили, предизвикувате немири и го дестабилизирате Косово

Министерството за европски и надворешни работи на Албанија ја повика Србија да ги повлече своите сили распоредени на југот на Србија, во близина на Косово.

EPA-EFE

Во соопштението на албанското министерство се наведува дека Албанија особено ја загрижуваат извештаите за српските воени сили упатени, како што се истакнува, „во близина на границата со Косово“ и воените авиони кои летаат блиску и над „воздушниот простор на Косово и предизвикуваат тензии“.

Тие тензии, наведува албанското министерство, поттикнуваат поединци да предизвикуваат немири и насилство и имаат цел да го дестабилизираат Косово.

Таквите постапки, тврди албанското министерство, е во спротивност со меѓународните договори чија цел е осигурување безбедност и стабилност во тој дел од регионот.

„Министерството ја повикува Србија да ги повлече своите оружени сили распоредени во близина на границата на Косово и да работи на итна деескалација“, се наведува во соопштението.

Во соопштението се додава и дека Тирана е загрижена поради ескалацијата на ситуацијата на северот на Косово и најостро се осудуваат вандалските дела извршени на северот на Косово каде „поединци запалија канцеларија за регистрација на возила во Зубин Поток и оштетија слична канцеларија во Звечан“.

Ништо не може да ја оправда употребата на насилство, нанесувањето штета на јавниот имот и непочитувањето на владеењето на правото, оценува албанското министерство, повикувајќи извршителите да се изведат пред лицето на правдата.

Се повикува сите актери да бидат воздржани и веднаш да се вратат на дијалогот како единствен начин во билатералните и мултилатералните обиди да се решат нерешените прашања во „духот на соработката на кој Албанија е неповратно посветена“.

Легенда под Главна слика

EPA-EFE

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе