Тинејџер кој уби двајца и рани трет е ослободен во САД. Бајден: Апелирам за мир

Американскиот претседател Џо Бајден ги повика граѓаните на смиреност откако поротата во петокот го ослободи Кајл Ритенхаус, кој минатата година уби две лица за време на немири.

Screenshot

Порота од 12 членови го прогласи 18-годишниот Ритенхаус за невин за две убиства, обид за убиство и намерно нарушување на безбедноста за време на немирите проследени со подметнување пожари и грабежи на 25 август 2020 година во работничкиот град Кеноши.

Судењето ја поларизираше Америка, при што до израз особено дојде поделбата во општеството околу правото на носење оружје, а пресудата предизвика протести во некои градови, но политичарите и семејствата на жртвите повикаа на воздржаност.

„Ги повикувам сите да ги изразуваат своите ставови мирно и во согласност со владеењето на правото“, изјави пред новинарите претседателот Бајден пред Белата куќа.

На смиреност повикаа и адвокатите на семејството на Гејга Гроскројц, кој Ритенхаус го рани со полуавтоматска пушка.

„Сега ни е потребна правда, а не повеќе насилство“, кажаа тие.

Околу 200 луѓе учествуваа во немирите во петокот вечер во Портланд, Орегон, а протести се одржаа и во Чикаго и Њујорк.

Ритенхаус тврди дека дејствувал во самоодбрана кога фатално ги рани Џозеф Розенбаум (36) и Ентони Хубер (26) и го повреди Гејга Гроскројц (28).

Ритенхаус и мажите што ги застрела се белци. Инцидентот се случи за време на насилните протести поради ранувањето на Афроамериканецот Џејкоб Блејк при обид за апсење, кој остана парализиран.

Легенда под Главна слика

Screenshot

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе