Официјално го напушта Стејт департментот на 31 март

Тилерсон се обрати по отказот: Притисокот врз Пјонгјанг успеа над очекувањата (ВИДЕО)

Државниот секретар на САД во заминување Рекс Тилерсон им се обрати на новинарите неколку часа по отказот кој му го врачи американскиот претседател Доналд Трамп, и најави дека Стејт департментот официјално ќе го напушти на 31 март и „ќе му се врати на приватниот живот“.

Асошиејтед прес пренесува дека Тилерсон, по отказот кој агенцијата го оценува како нецеремонијален, односно некултурен, кажа дека до крајот на денот ќе му ги пренесе должностите на заменикот државен секретар на САД Џон Саливен.

„Она што е важно е да се обезбеди уредна и мазна транзиција за време на периодот во кој земјата (САД) продолжува да се соочува со значителни предизвици во политиката и националната безбедност“, изјави Тилерсон во преполната соба за брифинзи во Стејт департментот.

Тилерсон изнесе и неколку надворешнополитички пораки, кажувајќи дека „доколку Русија продолжи по сегашниот пат, ќе стане сѐ поизолирана“, и дека „претстои уште многу работа за да се развие јасен однос со Кина“.

Отпуштениот шеф на Стејт департментот кажа дека е „постигнат прекин на огнот во Сирија, но дека останува уште многу да се направи“, како и дека „кампањата на максимален притисок врз Северна Кореја успеа над сите очекувања“.

Операциите направени кај повеќето интерсексуални новороденчиња е од козметички причини.

повеќе

Внимателноста во водењето на преговорите за името и изјавите околу нив сега е повеќе од нужна.

повеќе

Во најсеверните делови на грчките региони Западна и Централна Македонија, сите народни ора се инструментални песни. Традиционалните песни во овие региони некогаш имаа зборови - но тие беа на јазик што грчката држава речиси еден век се обидува да го избрише: македонскиот словенски, вели Петрос Карацареас, лектор по англиски јазик и лингвистика на Универзитетот на Вестминстер, Велика Британија.

повеќе