Тереза Меј: Ќе поднесам оставка на 7 јуни (ВИДЕО)

Тереза Меј во 10 часот и 5 минути им се обрати на медиумите. Таа објави дека ја напушта функцијата премиер на 7 јуни.

„Дадов сè од себе. Се обидов да ги договорам најдобрите услови, направив сè за да ги убедам пратениците да му дадат поддршка на мојот договор. За жал, не успеав. Се обидов три пати. Верувам дека беше правилно да се истрае. Но сега верувам дека е правилно нова личност да преземе. Ќе поднесам оставка во петок, 7 јуни“, рече Меј.

Таа зборуваше и за тоа како нејзината партија ќе се обедини и ќе заздрави, и дека напорната работа за договарање на брегзитот паѓа на нејзиниот наследник.

За својата оставка ги извести соработниците, како и кралицата, и рече дека се активирани механизми за избор на нејзин наследник. На крајот од говорот таа заплака.

Тереза Меј во говорот изјави дека служењето како премиерка ѝ било најголемата чест во животот.

„Бев втора премиерка во историјата на оваа земја, но сигурно не и последна“, рече таа.

„Ми беше најголема чест во животот да ѝ служам на земјата што ја сакам“, рече Меј на крајот од говорот и почна да плаче. Се сврте и замина.

Тереза Меј беше под сè поголем притисок колку подолго траеја преговорите за брегзит. Најновите решенија на Меј за брегзитот не им се допаднаа ни на нејзините членови на партијата, па притисокот стануваше сè поголем.

Британскиот парламент три пати го одби нејзиното решение за брегзит, нејзината влада ја напуштија голем број министри и неодамна оставка поднесе и Андреа Лидсом, претседателката на владејачката Конзервативна партија во Долниот дом на британскиот парламент. Лидсом рече дека повеќе не го поддржува пристапот на владата кон процесот за излез од Европската Унија.

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе